वीर अस्पतालमा श्वासप्रश्वासका १० रोगका भाइरस एकैपटक परीक्षण सुरु
प्रकाशित मिति: बिहिबार, कार्तिक २७, २०८२ | १६:२०:३९
चितवन, २७ कार्तिक । वीर अस्पतालमा अब श्वासप्रश्वास सम्बन्धी १० विभिन्न रोगका भाइरसको एकैपटक परीक्षण सुरु भएको छ।
अस्पतालको मेडिकल जेनेटिक्स (अनुवाङ्शिक) प्रयोगशालामा यस सुविधा सुरु गरिएको अस्पतालका मेडिकल अनुवाङ्शिक विभागका प्रमुख डा. निलम ठाकुरले जानकारी दिइन्।
पूर्वमा बिरामीको हरेक रोगको भाइरस फरक–फरक समयमा परीक्षण गर्नुपर्थ्यो, जसले रोग पत्ता लगाउन कठिनाई र समय खर्च बढाउँथ्यो। तर अब एकैपटक १० वटा रोगका भाइरसको परीक्षण गर्दा रोगको कारण स्पष्ट थाहा पाउन सकिन्छ र खर्च पनि कम लाग्ने डा. ठाकुरले बताइन्।
उनी भन्छिन्, “पहिले फरक–फरक समयमा परीक्षण गर्नु पर्थ्यो, तर अब एकै समयमा परीक्षण गर्दा कुन भाइरसले कुन रोग निम्त्याएको हो भन्ने कुरा सजिलै पत्ता लाग्छ र बारम्बार परीक्षण गर्नुपर्ने आवश्यकता छैन।”
प्रकाशित मिति : बिहिबार, कार्तिक २७, २०८२ |
१६:२०:३९
133
