प्रतिनिधिसभा निर्वाचनका लागि दल दर्ता आज सकिँदै, ८० दलले दर्ता गरे
प्रकाशित मिति: बुधबार, मंसिर १०, २०८२ | ११:०१:३३
चितवन, १० मंसिर । आगामी फागुन २१ गते हुने प्रतिनिधिसभा चुनावमा भाग लिनका लागि निर्वाचन आयोगमा दल दर्ता गर्ने समय आज (मंसिर १०) सकिँदै छ । निर्वाचन आयोगले मंसिर १ देखि १० गतेसम्म दल दर्ता गर्ने समयावधि निर्धारण गरेको थियो। आयोगका अनुसार नेपाली कांग्रेस, नेकपा एमाले, नेपाली कम्युनिष्ट पार्टी लगायत ८० वटा दलले निर्वाचनका लागि दल दर्ता गरेका छन् ।
हालसम्म पुराना र नयाँ गरी १३५ दल निर्वाचन आयोगमा दर्ता भएका छन्। तर, निर्वाचनमा भाग लिनका लागि निर्वाचन प्रयोजनका लागि दर्ता भएका दलहरूले मात्र सहभागी हुनेछन् । आयोगले दर्ता भएका दलहरूको छानबिन मंसिर ११ देखि १८ गते गर्नेछ र मंसिर २० गते स्वीकृत दलहरूको नामावली सार्वजनिक गर्नेछ ।
प्रकाशित मिति : बुधबार, मंसिर १०, २०८२ |
११:०१:३३
265
