सात जना जुवाडे पक्राउ, २२ हजार रुपैयाँ र तास बरामद
प्रकाशित मिति: सोमबार, पौष ०७, २०८२ | १९:१९:१३
चितवन, ०७ पुष । भक्तपुरको सूर्यविनायक नगरपालिका–३ बालकोटस्थित एक खाजाघरमा जुवा खेलिरहेको अवस्थामा सात जना पक्राउ परेका छन्।
अधिकारी टोलमा भोजपुरका ३८ वर्षीय प्रेम बहादुर श्रेष्ठले सञ्चालन गरेको “बालकोट चुल्हो कफी तथा खाजाघर”मा जुवा खेलाइरहेको विशेष सूचनाको आधारमा प्रहरीले छापा मारेको हो।
आइतबार साँझ प्रहरी प्रभाग बालकोटबाट खटिएको टोलीले खाजाघरका सञ्चालक प्रेम बहादुरसहित सातै जनालाई जुवाको खेलबाटै नियन्त्रणमा लिएको थियो। प्रहरीले उनीहरूको साथबाट नगद २२ हजार ५ सय ३५ रुपैयाँ र तीन बुक तास बरामद गरेको छ।
पक्राउ परेका सबैलाई अहिले प्रहरी हिरासतमा राखिएको छ। उनीहरूमाथि जुवा ऐनअन्तर्गत आवश्यक अनुसन्धान र कानुनी कारबाही प्रक्रिया अघि बढाइएको जिल्ला प्रहरी परिसर भक्तपुरले जनाएको छ।
प्रकाशित मिति : सोमबार, पौष ०७, २०८२ |
१९:१९:१३
881
सम्बन्धित समाचार
समाबेसी ट्रेन्डिङ
