टिकौली जंगलमा दुईवटा बस र एउटा ट्रक ठक्कर खायो ,३३ जना घाइते
प्रकाशित मिति: शुक्रबार, कार्तिक १४, २०८२ | ४:५८:१३
चितवन , १४ कार्तिक । चितवनमा तिनवटा सवारीसाधन दुर्घटना भएको छ । पुर्वपश्चिम राजमार्ग अन्तर्गत भरतपुर महानगरपालिका वडा नम्बर ९ स्थित टिकौली जंगलमा गएराती करिव १ बजे एउटा ट्रक र दुईवटा बस दुर्घटना भएको हो । ट्रकको पछाडी यात्रुबाहक बस ठक्कर खाएको र सो बसको पछाडी अर्को बस आएर ठक्कर खाएको प्रहरीले जनाएको छ ।
ना६ख ८१३ नम्बरको ट्रकको पछाडी रौतहटबाट काठमाण्डौ तर्फ आई रहेको प्रदेश ३-०३-००१ख ०१२३ नम्बरको यात्रुबाहक बस र सोही बसको पछाडी जनकपुरबाट काठमाण्डौ तर्फ आई रहेको बा.प्र.०३-००१ख ३९०२ बस ठक्कर खाएको हो । दुर्घटनामा ३३ जना घाइते भएको र उनीहरुको भरतपुरको विभिन्न अस्पतालमा उपचार भइरहेको प्रहरीले जनाएको छ । दुर्घटना पश्चात् करिव डेढ घण्टा सडक अवरुद्ध भएको थियोे ।
प्रकाशित मिति : शुक्रबार, कार्तिक १४, २०८२ |
४:५८:१३
727
