देवघाटमा बाँसको लिङ्गो ठड्याउँदै माघेसङ्क्रान्ति मेला सुरु
प्रकाशित मिति: बुधबार, पौष ३०, २०८२ | १४:४४:४६
चितवन, ३० पुस । देवघाटको बेनीमा बाँसको लिङ्गो ठड्याएसँगै माघेसङ्क्रान्ति मेला सुरु भएको छ । यससँगै चितवन, तनहुँ र नवलपरासीको सङ्गमस्थल देवघाटमा वार्षिक माघेसङ्क्रान्ति मेला विधिवत् रूपमा आरम्भ भएको हो ।
उक्त अवसरमा बेनीस्थित गलेश्वर आश्रमका पीठाधीश आत्मानन्द गिरी, नेपाल सन्त समाजका अध्यक्ष ज्ञानानन्द सरस्वती, महेश सन्न्यास आश्रमका पीठाधीश रमणानन्द गिरी, देवघाट क्षेत्र विकास समितिका अध्यक्ष ईश्वरीराज लौडारी, कार्यकारी निर्देशक सदन बराल, समितिका सदस्यहरू तथा स्थानीयवासीहरूको उल्लेख्य उपस्थिति रहेको थियो ।
मेलाको सुरक्षाका लागि सम्पूर्ण तयारी पूरा भएको प्रमुख जिल्ला अधिकारी गणेश अर्यालले जानकारी दिएका छन् । यस वर्ष करिब तीन लाख भक्तजन मेला भर्न आउने अनुमान गरिएको छ ।
प्रकाशित मिति : बुधबार, पौष ३०, २०८२ |
१४:४४:४६
1035
