सुन तोलामा १०० रुपैयाँ घट्यो, चाँदी ५० रुपैयाँ बढ्यो
प्रकाशित मिति: बिहिबार, माघ २९, २०८२ | १५:३०:२४
चितवन, २९ माघ । स्थानीय बजारमा आज सुनको मूल्य तोलामा १०० रुपैयाँले घटेको छ भने चाँदीको मूल्य ५० रुपैयाँले बढेको छ।
नेपाल सुनचाँदी व्यवसायी महासङ्घका अनुसार आज छापावाल सुन प्रतितोला तीन लाख छ हजार ५०० रुपैयाँ कायम भएको छ। त्यस्तै, एक तोला चाँदीको मूल्य पाँच हजार ३४० रुपैयाँ निर्धारण गरिएको छ।
बुधबार छापावाल सुन प्रतितोला तीन लाख छ हजार ६०० रुपैयाँमा कारोबार भएको थियो भने चाँदी पाँच हजार २९० रुपैयाँमा रहेको थियो। अघिल्ला दिनहरूमा पनि सुनचाँदीको मूल्यमा उतारचढाव देखिएको छ।
अन्तर्राष्ट्रिय बजारमा भने आज एक औँस सुन पाँच हजार ८३ अमेरिकी डलर र चाँदी ८३ अमेरिकी डलरमा कारोबार भइरहेको जनाइएको छ।
प्रकाशित मिति : बिहिबार, माघ २९, २०८२ |
१५:३०:२४
155
