मेयर रनिङ कपः वडा नम्बर २ लाई पराजित गर्दै वडा ९ क्वाटर फाइनलमा

चितवन , ११ बैशाख । खैरहनीमा जारी प्रथम मेयर रनिङ कप फुटबल प्रतियोगिता अन्तर्गत आज भएको खेलमा वडा नम्बर २ लाई वडा नम्बर ९ ले पराजित गरेको छ । खैरहनी ९ ले खैरहनी २ लाई २–१ को गोलअन्तरले पराजित गर्दै क्वाटर फाइनलमा प्रवेश गरेको हो ।

खेलको पहिलो हाममा कुनैपनि समूहले गोल गर्न सकेको थिएन । खेलको दोस्रो हाममा वडा नम्बर ९ का अमृत चौधरीले पहिलो गोल गरेका थिए । पहिलो गोल गरेको ४ मिनेटभित्र वडा नम्बर ९ कै अनिल सुनारले दोस्रो गोल गरे । खैरहनी २ को समूहले १ गोल फर्काउन सफल भएको छ । खेलको ५६ मिनेटमा वडा नम्बर २ का दिवस श्रेष्ठले एक गोल गरे । आजको खेलमा वडा नम्बर ९ का अमृत चौधरी म्यान अफ द म्याज भएका छन् । प्रतियोगिता अन्तर्गत मंगलबार बिहान वडा नम्बर ११ र १२ तथा दिउँसो वडा नम्बर ९ र १३ बिच खेल हुने नगर खेलकुद  विकास समिति खैरहनीका अध्यक्ष धनविर चौधरीले जानकारी दिए ।