मेयर रनिङ कपः वडा १० लाई पराजित गर्दै वडा नम्बर ११ फाइनलमा प्रवेश

चितवन , १३ वैशाख । खैरहनीमा जारी मेयर रनिङ कप फुटबल प्रतियोगिताको फाइनलमा खैरहनी वडा नम्बर ११ प्रवेश गरेको छ । आज भएको सेमिफाइनल खेलमा वडा नम्बर १० लाई २–० को गोलअन्तरले पराजित गर्दै वडा नम्बर ११ फाइनलमा प्रवेश गरेको हो ।

खेलको पहिलो हाफको ३५ औं मिनेटमा खैरहनी ११ का युवराज दराईले पहिलो गोल गरेका थिए । त्यस्तै खेलको दोस्रो हाफको २० औं मिनेटमा खैरहनी ११ कै नवराज दराईले दोस्रो गोल गरेका थिए । खेलको म्यान अफ द म्याच खैरहनी १० का सौरभ तमाङ भएका छन् । प्रतियोगिता अन्तर्गत विहिबार हुने सेमिफाइनल खेलमा वडा नम्बर १ र वडा नम्बर ९ भिड्ने छन् ।