तीनकुनेमा मोटरसाइकल दुर्घटना, एक जनाको मृत्यु
प्रकाशित मिति: मंगलबार, आश्विन २८, २०८२ | १४:११:१२
चितवन,२८ असोज । गएराति काठमाडौँको तीनकुनेमा मोटरसाइकल दुर्घटना हुँदा एक युवाको मृत्यु भएको छ।
काठमाडौँ महानगरपालिका–३२, तीनकुनेस्थित सडकमा बा६८प ४१५३ नम्बरको मोटरसाइकल अनियन्त्रित भई दुर्घटना भएको थियो। दुर्घटनामा मोटरसाइकल चालक, कैलालीको गोदावरी गाउँपालिका–८ घर भई काठमाडौँको बानेश्वर बस्ने २१ वर्षीय समिर चौधरी गम्भीर घाइते भएका थिए।
उपचारका क्रममा काठमाडौँ मेडिकल कलेज, सिनामङ्गलमा उनको मृत्यु भएको काठमाडौँ उपत्यका ट्राफिक कार्यालयका प्रवक्ता प्रहरी उपरीक्षक नरेशराज सुवेदीले जानकारी दिनुभयो।
प्रकाशित मिति : मंगलबार, आश्विन २८, २०८२ |
१४:११:१२
551
सम्बन्धित समाचार
समाबेसी ट्रेन्डिङ
