ढिस्कोमा च्यापिएर एकको मृत्यु, दुई गम्भीर घाइते
प्रकाशित मिति: शनिबार, आश्विन २५, २०८२ | १२:३९:४२
चितवन,२५ असोज । छठ पर्वका लागि घर लिप्ने माटो खन्ने क्रममा ढिस्कोमा पुरिँदा एक महिलाको मृत्यु भएको छ भने दुई जना गम्भीर घाइते भएका छन्। बाराको सिम्रौनगढ नगरपालिकाको नयाँ भवनको दक्षिणतर्फ रहेको ढिस्कोमा आज बिहान माटो खन्न पुगेका बेला दुर्घटना भएको हो। जिल्ला प्रहरी कार्यालय बाराका प्रवक्ता विजयराज पण्डितका अनुसार मृत्यु हुनेमा सिम्रौनगढ नगरपालिका–५ निवासी ६५ वर्षीया शरदा देवी रहेको बताइएको छ। गम्भीर घाइते दुई जनाको परिचय भने अहिलेसम्म खुल्न सकेको छैन। उहाँका अनुसार घटनामा अन्य १० जना सामान्य घाइते भएका छन्। घाइतेहरूलाई उपचारका लागि प्रदेशिक अस्पताल कलैयामा लगिएको छ। दुर्घटनापछि सशस्त्र प्रहरी र जनपथ प्रहरीले तत्काल उद्धारकार्य सञ्चालन गरेका थिए।
प्रकाशित मिति : शनिबार, आश्विन २५, २०८२ |
१२:३९:४२
6139
