एक जना ‘टिकटक’ बनाउने क्रममा नदीमा खस्दा बेपत्ता
प्रकाशित मिति: आइतबार, आश्विन १२, २०८२ | १०:०४:०५
चितवन, १२ आश्विन। म्याग्दीको बेनी नगरपालिका–८ कालीपुलमा टिकटक बनाउने क्रममा कालीगण्डकी नदीमा खस्दा एक जना बेपत्ता भएका छन् ।
जिल्ला प्रहरी कार्यालय म्याग्दीका अनुसार कालीकोटको शुभकालिका गाउँपालिका–८ का अन्दाजी २२ वर्षीय सदान्द पोखरेल टिकटक बनाउने क्रममा कालीगण्डकीले बगाएर बेपत्ता भएका हुन् ।
कालीपुल बसपार्कको गण्डकी होटल एण्ड रेष्टुरेष्टको पछाडि कालीगण्डकीको किनारमा टिकटक बनाउने क्रममा चिप्लिएर नदीमा बेपत्ता भएका पोखरेलको खोजी जारी रहेको प्रहरीले जनाएको छ ।
प्रकाशित मिति : आइतबार, आश्विन १२, २०८२ |
१०:०४:०५
4357
