खैरहनीमा नगरस्तरिय व्याडमिन्टन प्रतियोगिता सुरु

चितवन ,२ माघ । पूर्वीचितवनको खैरहनीमा नगरस्तरिय व्याडमिन्टन प्रतियोगिता सुरु भएको छ । खैरहनी नगरपालिका, नगर खेलकुद विकास समिति र खैरहनी नगर व्याडमिन्टन संघको आयोजना तथा  समन्वयमा सुरु भएको प्रतियोगिताको खैरहनी नगरपालिकाका नगर प्रमुख शशि कुमार खनियाले उद्घाटन गरेका छन् ।

नगरपालिकाले स्वास्थ्यको लागि खेलकुद, राष्ट्रको लागि खेलकुद भन्ने नारालाई आत्मसा गर्दैै खेलकुदलाई प्राथमिकता दिएको नगर प्रमुख खनियाँले बताए । उनले नगरपालिकाले छिट्टै कभर्ड हल निर्माण गर्ने प्रतिवद्धता व्यक्त गरे । उनले विकास निर्माण , शिक्षा , स्वास्थ्य , पर्यटनसँगै खेलकुदलाई समेत अगाडी बढाउदै गएको बताए । प्रतियोगितामा नगरभित्रका वडाहरुबाट २९ वटा समुह सहभागी भएको खैरहनी नगर व्याडमिन्टन संघका अध्यक्ष कपिल श्रेष्ठले जानकारी दिए । प्रतियोगितामा प्रथम हुने समुहलाई नगद १२ हजार , द्धितिय हुनेलाई नगद ९ हजार र तृतिय हुने दुईवटा समुहलाई नगद ५-५ हजार रुपैया सहित ट्रफी र मेडल प्रदान गरिने श्रेष्ठले बताए ।