चितवन , १० कार्तिक । खैरहनी नगरपालिकामा जारी तेस्रो मेयर रनिङ कप फुटबल प्रतियोगिताको आज फाइनल खेल हुदैंछ । आज वडा नम्बर १ र १३ फाइनलमा भिड्दै छन् । वडा नम्बर १३ को समूह विजेता भए प्रतियोगिताको पुरस्कार रकम बाहेक वडाको तर्फबाट थप १ लाख रुपैयाँ प्रोत्साहन स्वरुप पाउने भएका छन् । खैरहनी नगरपालिका वडा नम्बर १३ का अध्यक्ष कुलप्रसाल भुषालले वडा नम्बर १३ विजयी भए खेलाडीहरुलाई थप प्रोत्सहान होस् भनेर वडाकोतर्फबाट एक लाख रुपैयाँ प्रदान गर्ने बताए ।

प्रतियोगितामा प्रथम हुने समूहले नगद ६० हजार , सिल्ड , ट्रफी ,मेडल र प्रमाणपत्र पाउने छन् । त्यस्तै द्धितिय हुनेले नगद ४० हजार , ट्रफी ,मेडल र प्रमाणपत्र पाउने छन् । वडा नम्बर १३ दोस्रो मेयर कप फुटबल प्रतियोगिताको विजयी समूह समेत  हो । लगातार तिन बर्ष विजेता हुने वडाले नगरपालिकाबाट नगद ५ लाख रुपैयाँ खेलकुदको क्षेत्रमा खर्च गर्नेगरि पुरस्कार प्राप्त गर्नेछन् ।