खैरहनीमा संचालित व्याडमिन्टन प्रतियोगितामा राजु र प्रतापको जोडी प्रथम

चितवन , १० फाल्गुन । खैरहनीमा संचालित व्याडमिन्टन प्रतियोगितामा राजु गरन्जा र प्रताप श्रेष्ठको जोडी विजयी भएको छ । फाइनल खेलमा रत्ननगर नगरपालिका वडा नम्बर १४ का गरन्जा र श्रेष्ठले भरतपुर ७ का विधान गुरुङ र मोहन श्रेष्ठलाई पराजित गर्दै प्रथम स्थान हासिल गरेका हुन् । विधान गुरुङ र मोहन श्रेष्ठको जोडी द्वितीय भएका छन् ।

त्यस्तै भरतपुर १० का अमर रायमाझी र सुरज गुरुङ तथा खैरहनी ४ का किरण लामा र सन्देश बस्नेतको जोडी तृतीय भएका छन्  । प्रतियोगितामा प्रथम हुने समुहले नगद ३३ हजार ३ सय ३३ रुपैया नगद पुरस्करसहित ट्रफी र मेडल प्राप्त गरेका छन् । द्वितीय हुने समुहले नगद २२ हजार २ सय २२ रुपैया सहित ट्रफी र मेडल प्राप्त गरे । त्यस्तै तृतीय स्थान हासिल गर्ने दुईवटा समुहले नगद ५ हजार ५ सय ५५ सहित ट्रफी र मेडल प्राप्त गरेका छन् । खैरहनी नगरपालिकाका नगर प्रमुख शशी कुमार खनिया , नगर शिक्षा अधिकारी राजु वानिया , नगर खेलकुद विकास समितिका अध्यक्ष धनविर चौधरी लगायतले विजयी खेलाडीहरुलाई पुरस्कार वितरण गरेका थिए ।
दुईदिनसम्म चलेको प्रतियोगितामा २५ वटा समूह सहभागी भएको नगरस्तरिय व्याडमिन्टन समितिका अध्यक्ष कपिल श्रेष्ठले जानकारी दिए ।