आज तपाईंको राशिफल कस्तो छ ?

आज २०८० साल मंसिर १६ गते शनिवार । मंसिर कृष्ण पञ्चमी । पञ्चाङ्ग: ब्रह्म तैतल पुष्य। डिसेम्बर २ तारिख २०२३ ।

यस्तो छ आज तपाईंको राशिफल :-

मेष :  मन भावुक र उत्ताउलो बन्नेछ, आफूलाई अनुशासित र संयम बनाउनु पर्छ । पारिवारिक दायित्व थपिएर जानेछ । शुभ कार्यको थालनी हुनेछ । नयाँ प्रेम सम्बन्धमा फसिनेछ ।

वृष : लामो समयदेखिका बाधाहरू अहिले स्वत: फुकुवा हुनेछन् । कला र गलाको प्रभाव बढ्नेछ । परीक्षामा सफलता पनि मिल्नसक्छ । प्रेम सम्बन्ध विवाहमा परिणत हुनेछ । शारीरिक दुर्बलता हटेर जाला । मान सम्मान वृद्धिको योग छ ।

मिथुन : धार्मिक तथा समाजसेवामा मन लाग्नेछ । राजनैतिक कार्यमा सफलता मिल्नेछ । साहित्यिक क्षेत्रमा रुचि बढ्नेछ । सन्तान सुख मिल्नेछ ।

कर्कट : आज नयाँ र शुभ समाचार सुन्न पाइएला । परिवारजनको साथले नयाँ आशा जगाउनेछ । नयाँ सवारी साधन प्राप्तिको योग पनि छ ।वैदेशिक यात्राको योग बन्नेछ । एकल निर्णय भने त्यति उपयुक्त नरहला ।

सिंह : आज प्रयत्न गर्दा पनि उपलब्धि पाउन मुस्किल पर्नेछ । आर्थिक कारोबारमा मन्दी आउला । पेटसम्बन्धी समस्याले पिरोल्न सक्छ । पत्नीको नाममा गरेको काम शुभ बन्नेछ । पशुपन्छीबाट सावधानी बन्नुपर्ला ।

कन्या : आजबाट रोकिएको कार्य पुन: सुचारु हुन सक्छ । महिला वा मित्रबाट विशेष सहयोग मिल्नेछ । शुभकार्यको चर्चा पनि चल्नेछ ।व्यापारमा लगानी बढाउनुपर्ने देखिन्छ । मान्यजनको साथमा समय बित्नेछ ।

तुला : आज नयाँ कार्यको योजना बन्नेछ । बोलीको प्रभाव बढ्नेछ । वित्तिय संस्थाबाट सहयोग पाइनेछ । स्वादिष्ट भोजन पनि पाइनेछ । खानपानमा मुख बार्नु पर्नेछ ।

वृश्चिक : आज कुनै कुराले मनमा शान्ति छाउला । धार्मिक र न्यायिक कार्यमा सफलता मिल्नेछ । दैनिक कार्यमा प्रगति हुने पनि छ । पैतृक सम्पत्तिमा विवाद बढ्नेछ ।

धनु : मित्रहरूले वचन पूरा नगर्दा आर्थिक हैरानी बेहोर्नु पर्ला । घरायसी समस्या बढ्नेछ, तर सामाजिक र राजनैतिक सम्बन्ध राम्रो हुनेछ । बोलीमा मिठासपना ल्याउनु पर्ला । अकल्पनीय घटना होला । पुत्र प्राप्तीको योग रहेको छ ।

मकर : आस मारेको काम बन्नेछ । दाम्पत्य जीवन सुखमय हुनेछ । अचल सम्पत्ति हात पर्ने योग छ । आँटेको र ताकेको कार्य पुरा हुनेछ । शैक्षिक व्यवधानलाई पार गरिएला । आफ्नो निर्णय परिवारमा मान्य हुनेछ । मनोरञ्जनमा खर्च बढ्नेछ ।

कुम्भ : परोपकार तथा पुण्य आर्जन गर्न संलग्न भइनेछ । रोकिएका अधुरा कामहरू पुरा हुनेछन् । धनार्जनका नयाँ स्रोतहरू पत्ता लाग्नेछन् । विश्वासनीय पात्र नै टाढिएर जानेछन् । अरुको सेवामा समय बित्नेछ । सेयर कारोबार वृद्धि हुनेछ ।

मीन : सामाजिक र अरुको हित हुने काममा समय व्यतीत हुनसक्छ । चलाखीपूर्ण बोलीले कार्य सिद्ध हुनेछ । दैनिक कार्यमा प्रगति हुनेछ । आर्थिक प्रलोभनमा नफस्नुहोला । कृषिजन्य लगानी बढ्न जानेछ ।