मकवानपुरमा पिकअप दुर्घटनाका गम्भीर घाइते चालकको उपचारकै क्रममा मृत्यु
प्रकाशित मिति: आइतबार, आषाढ १४, २०८३ | १६:३०:४५
चितवन, १४ असार । मकवानपुरबाट काठमाडौंतर्फ आउँदै गरेको पिकअप दुर्घटनामा गम्भीर घाइते भएका चालकको उपचारका क्रममा मृत्यु भएको छ।
प्रहरीका अनुसार शुक्रबार बिहान करिब ६ः३० बजे मकवानपुरको इन्द्रसरोवर गाउँपालिका–३ घारखोल्सास्थित दक्षिणकाली सडकखण्डमा बागमती प्रदेश ०१–०२६ च ५५९९ नम्बरको पिकअप अनियन्त्रित भई करिब १५० मिटर तल खसेको थियो।
दुर्घटनामा गम्भीर घाइते भएका चालक ४५ वर्षीय मुकुन्द झ्यारी मगरको आइतबार बिहान ललितपुरस्थित पाटन अस्पतालमा उपचारकै क्रममा मृत्यु भएको प्रहरी प्रधान कार्यालयले जनाएको छ।
मृतक मकवानपुरको थाहा नगरपालिका–९ चित्लाङका स्थायी बासिन्दा तथा हाल हेटौँडामा बसोबास गर्दै आएका थिए। घटनाबारे प्रहरीले थप अनुसन्धान गरिरहेको छ।
प्रकाशित मिति : आइतबार, आषाढ १४, २०८३ |
१६:३०:४५
1563
