इलेक्ट्रीक स्कुटर बिक्रेता सगरमाथा मोटर्सको शाखा पर्सामा,स्कुटर खरिदमा विभिन्न छुटको घोषणा

चितवन , १९ माघ । इलेक्ट्रीक स्कुटरको बिक्रेता सगरमाथा मोटर्सको शाखा पुर्वीचितवनको पर्सा बजारमा खुलेको छ । खैरहनी ८ पर्सा बजारमा आज शाखाको औपचारिक रुपमा उद्घाटन भएको हो ।

खैरहनी नगरपालिका वडा नम्बर ८ का वडा अध्यक्ष शंकर कंडेलले सगरमाथा मोटर्सको शाखा उद्घाटन गरेका हुन् । विद्युतिय स्कुटरको आयात गरि विक्री गर्दै आइरहेको सगरमाथा मोटर्सले नारायणगढ , टाडीसंगै अब ग्राहकहरुको सहजताको लागि पर्सा बजारमा शाखा खोलेको सगरमाथा मोटर्सका कन्ट्री प्रमुख यमन भुषालले जानकारी दिए । पछिल्लो समय विद्युतिय सवारीसाधनको माग बढिरहेको अवस्थामा आफुहरुले गुणस्तरीय र टिकाउ स्कुटर बजारमा ल्याएको भुषालले बताए । उत्पादक कम्पनीका प्राविधिकहरुसंग सल्लाह गरि नेपालको भुगोल सुहाउँदो स्कुटर ल्याइएको उनले बताए । चितवनमा स्थापना भएको सगरमाथा मोटर्सको पोखरा र हेटौंडामा शाखा संचालन हुन लागेको र विस्तारै देशका अन्य शहरमा समेत शाखा विस्तार गरिने भुषालले बताए ।

कम्पनीले विभिन्न ३ मोडलका स्कुटर बिक्री वितरण गर्दै आएको छ । सगरमाथा मोटर्सका स्कुटरमा एक पटक पूरा चार्ज गरेर न्युनतम १२० देखि २०० किलोमिटर सम्म यात्रा गर्न कम्पनीको दावी छ । स्कुटरको अधिकतम गति मोडल हेरि ६० देखि ८० किलोमिटर प्रतिघन्टा रहेको छ । स्कुटरमा लिथिएम ब्याट्री प्रयोग गरिएकोले ब्याट्रीमा छिट्टै समस्या नआउने र लामो समय टिक्ने कम्पनीका अध्यक्ष धनश्याम पौडेलले वताए । कम्पनीले ब्याट्रीमा ३ वर्षसम्मको वारेन्टी प्रदान गरेको छ । घरमा सहजै स्कुटर वा व्याट्री निकालेर समेत चार्ज गर्न सकिने भएकोले सहज रहेको अध्यक्ष पौडेलले बताए । विद्युतीय भएको पेट्रोलबाट चल्ने सवारीसाधन भन्दा एकदमै सस्तो पर्ने , ममर्त खर्च समेत सस्तो पर्ने उनले बताए ।

उद्घाटनको अवसरमा विभिन्न छुट प्रदान गरिएको सगरमाथा मोटर्सको पर्सा शाखा प्रमुख शिव अर्यालले जानकारी दिए । उद्घाटनको अवसरमा केहिदिनको लागि स्कुटर खरिदमा १५ हजार छुट प्रदान गरिने उनले बताए । त्यस्तै स्कुटर खरिद गर्दा एक्सचेन्ज सुविधा र फाइनान्सको सुविधा समेत रहेको उनले बताए । पुरानो मोटरसाइकल तथा स्कुटरमा एक्सचेन्ज गर्दा १० हजार थप छुटको व्यवस्था गरिएको शाखा प्रमुख अर्यालले बताए ।

उद्घाटन कार्यक्रममा बोल्दै कार्यक्रमका प्रमुख अतिथी खैरहनी नगरपालिका वडा नम्बर ८ का वडा अध्यक्ष शंकर कंडेल , उद्योग तथा वाणिज्य कार्यालय भरतपुरका प्रमुख विनोद पौडेल , खैरहनी चेम्बर अफ कमर्शका अध्यक्ष प्रकाश श्रेष्ठ , चितवन अटोमोबाइल्स डिलर्स एशोसियसनका उपाध्यक्ष उत्तम अधिकारीले पछिल्लो समय ग्राहकहरु विद्युतिय सवारीसाधनमा आकर्षित भइरहेकोले यसको बजार राम्रो रहेको भन्दै सुरक्षा र गुणस्तरमा कुनै सम्झौता नगर्न आग्रह गरे ।