अस्पतालको कुनामा एक वृद्धा मृत फेला
प्रकाशित मिति: आइतबार, साउन ०४, २०८२ | १७:३७:३२
चितवन, ०४ साउन । कैलालीमा उपचारका लागि गएकी ८८ वर्षकी वृद्धा अस्पतालको कुनामा मृत फेला परेकी छिन्।
इलाका प्रहरी कार्यालय टीकापुरका अनुसार टीकापुर नगरपालिका–१ जमराटोलकी ८८ वर्षीया हिरादेवी धामी टिकापुर अस्पतालको दक्षिणपूर्वी कुनामा मृत अवस्थामा फेला परेकी हुन् ।
प्रहरी र आफन्तले खोजतलास गर्ने क्रममा वृद्धा आज बिहान १० बजेतिर मृत अवस्थामा फेला परेकी हुन् । मृत वृद्धाको शरीरमा बाह्य चोटपटक नदेखिएको प्रहरीले जानकारी दिएको छ । शव पोस्टमार्टमका लागि टीकापुर अस्पतालमै राखिएको छ ।
वृद्धा शनिबार दिउँसो बुहारीसँगै अस्पताल पुगेकी थिइन् ।
प्रकाशित मिति : आइतबार, साउन ०४, २०८२ |
१७:३७:३२
2003
