डुम्रे बेसीशहर सडकखण्डको तुरतुरे चाम्बास भाग आजदेखि दैनिक साढे घण्टा बन्द
प्रकाशित मिति: सोमबार, कार्तिक २४, २०८२ | १२:१६:२४
चितवन, २४ कार्तिक । डुम्रे–बेसीशहर सडकखण्डअन्तर्गत तनहुँको भानु नगरपालिकास्थित तुरतुरे चाम्बास सडक आजदेखि दैनिक साढे घण्टा बन्द गरिएको छ।
भानु नगरपालिकाको ढुकुर्दी क्षेत्रसम्म सडक विस्तारका कामका लागि कात्तिक २४ गतेदेखि मङ्सिर ५ गतेसम्म सो खण्ड दैनिक साढे घण्टा बन्द हुने भएको हो।
सडक विस्तारका क्रममा सम्भावित दुर्घटनाको जोखिम न्यूनीकरण र कार्यसम्पादनमा सहजता ल्याउन डुम्रे–बेसीशहर–चामे सडक योजनाको अनुरोधमा बन्द गरिएको प्रशासकीय अधिकृत विकास श्रेष्ठले जानकारी दिए।
श्रेष्ठका अनुसार उक्त खण्ड बिहान ६ः३० देखि ९ बजेसम्म, बिहान ११ देखि दिउँसो १ बजेसम्म र दिउँसो २ देखि ४ बजेसम्म बन्द रहनेछ। सो समयमा यात्रु तथा सवारी चालकहरूले तुरतुरे–पालुङटार–खत्रीटार हुँदै विमलनगर निस्कने वैकल्पिक मार्ग प्रयोग गर्न सक्ने बताइएको छ।
प्रकाशित मिति : सोमबार, कार्तिक २४, २०८२ |
१२:१६:२४
1123
