नेप्सेमा दोहोरो अङ्कको गिरावट, परिसूचक २६३५.९५ बिन्दुमा झर्यो
प्रकाशित मिति: बुधबार, पौष २३, २०८२ | १८:११:३९
चितवन, २३ पुष । नेपाल स्टक एक्सचेञ्ज (नेप्से) परिसूचकमा आज दोहोरो अङ्कको गिरावट आएको छ। नेप्से परिसूचक १३ दशमलव ३५ अङ्कले घट्दै दुई हजार ६३५ दशमलव ९५ बिन्दुमा बन्द भएको हो।
आजको कारोबारमा ३२३ कम्पनीका एक करोड छ लाख ३३ हजार ७१७ कित्ता शेयर ७२ हजार ४७४ पटक खरिदबिक्री हुँदा कुल कारोबार रकम पाँच अर्ब १७ करोड ५० लाख ९१ हजार ९९१ दशमलव ६० रुपैयाँ पुगेको छ।
उपसूचकतर्फ वित्त र व्यापार समूहमा सामान्य वृद्धि देखिएको छ भने अन्य सबै समूहको उपसूचक ओरालो लागेको छ। आजको कारोबारमा नारायणी डेभलपमेन्ट बैङ्क लिमिटेडको शेयर मूल्य सबैभन्दा धेरै छ दशमलव शून्य आठ प्रतिशतले बढेको छ भने एसवाई प्यानल नेपाल लिमिटेडको शेयर मूल्य सबैभन्दा धेरै आठ दशमलव ४५ प्रतिशतले घटेको छ।
प्रकाशित मिति : बुधबार, पौष २३, २०८२ |
१८:११:३९
309
