कुलमान घिसिङसँगको सहमतिलाई पार्टी प्रक्रियाबाट औपचारिकता दिने तयारीमा रास्वपा
प्रकाशित मिति: बिहिबार, पौष २४, २०८२ | १८:०९:०२
चितवन, २४ पुष । राष्ट्रिय स्वतन्त्र पार्टी (रास्वपा)का सभापति रवि लामिछानेले हिजो मन्त्री पदबाट राजीनामा दिएका कुलमान घिसिङसँग भएको सहमतिलाई पार्टी प्रक्रियामार्फत औपचारिक रूप दिन तयारी भइरहेको बताएका छन्।
आज चितवन जिल्ला अदालतबाट फर्कने क्रममा पत्रकारहरूसँग संक्षिप्त कुराकानी गर्दै लामिछानेले भने, “उहाँ सरकारमा रहँदाखेरि हामीबीच सहमति भएको थियो। अब उहाँले राजीनामा दिएर आउनुभएको छ, त्यसैले सो सहमतिलाई पार्टीले औपचारिकता दिने प्रक्रिया अघि बढ्छ।”
केही साताअघि रास्वपा र कुलमान घिसिङ संरक्षक रहेको उज्यालो नेपालबीच सहमति भएको थियो। उक्त सहमतिअनुसार कुलमान घिसिङलाई उपसभापति पदसहित पार्टीको दोस्रो वरियतामा राख्ने निर्णय गरिएको थियो।
प्रकाशित मिति : बिहिबार, पौष २४, २०८२ |
१८:०९:०२
1057
