बस दुर्घटनामा मृत्युको खबरले मर्माहत, घाइतेहरूको निःशुल्क उपचार गरियोस् : अध्यक्ष दाहाल
प्रकाशित मिति: बुधबार, मंसिर २८, २०७९ | १२:३२:३७
काठमाडौँ, २८ मंसिर । नेकपाका अध्यक्ष पुष्पकमल दाहाल ‘प्रचण्ड’ले काभ्रेपलाञ्चोकमा भएको बस दुर्घटनामा मृत्यु भएकाहरूप्रति श्रद्धाञ्जली अर्पण गरेका छन् । शोकाकुल परिवारजनमा समवेदना प्रकट गरेका छन् ।बेथानचोक गाउँपालिका–४, चलाल गणेशस्थानमा मंगलबार साँझ भएको बस दुर्घटनामा १८ जनाको मृत्यु भएको खबरले मर्माहत बनाएको आज बिहान फेसबुकमार्फत उल्लेख गरेका छन् ।उनले दुर्घटनाका घाइतेहरूको शीघ्र स्वास्थ्यलाभको कामना गरेका छन् ।
घाइतेहरूको निःशुल्क स्वास्थ्योपचारको व्यवस्था गर्न सरकारसँग माग समेत गरेका छन् । “दुर्घटनाका घाइतेहरूको शीघ्र स्वास्थ्य लाभको कामना गर्दै निःशुल्क स्वास्थ्योपचारको व्यवस्था गर्न सरकारसँग माग गर्दछु,” फेसबुक स्टाटसमा उल्लेख छ, “त्यसैगरी, कारण पत्ता लगाई बढ्दो सवारी दुर्घटना रोक्न सम्बन्धित सबैमा आग्रह गर्दछु ।”
प्रकाशित मिति : बुधबार, मंसिर २८, २०७९ |
१२:३२:३७
5325



















