खैरहनीमा एकजनाको हत्यागरि फरार अभियुक्त ७ बर्षपछि पक्राउ
चितवन , ७ जेठ । चितवनको खैरहनीमा एकजनाको हत्यागरि फरार भएका एकजना अभियुक्त पक्राउ परेका छन् । खैरहनी नगरपालिका वडा नम्बर ९ स्थित नेपाल ग्यास उद्योग गण्डकीमा एकजनाको हत्यागरि फरार भएका पुनदेव भन्ने पन्चदेब महरा करिब ७ बर्षपछि फक्राउ परेका हुन् ।
२०७६ चैत २३ गते खैरहनी नगरपालिका वडा नं. ९ स्थितमा रहेको नेपाल ग्यास उद्योग गण्डकीको कम्पाउण्ड भित्र रहेको मजदुरहरु बस्ने गरेको कच्ची घरको कोठा भित्र बारा जिल्ला साविक फेटा गा.वि.स. वडा नं ४ हाल परिवर्तित फेटा गाउपालिका वडा न ३ वस्ने वर्ष ४६ को सखिचन महरा मृत अवस्थामा फेला परेका थिए । प्रारम्भिक अनुसन्धानमा उनको हत्यामा बारा जिल्ला साविक बतरा गा.वि.स. वडा नं. ६ हाल परिवर्तित फेटा गाउँपालिका वडा नं. ४ बस्ने तत्कालिन वर्ष ३० को पुनदेव भन्ने पन्चदेब महरा संलग्न रहेको खुलेको थियो । घटना लगक्तै फरार रहेका उनको खोजतलास गर्ने क्रममा करिब ७ बर्षपछि मंगलबार बारा जिल्लाको फेटा गाउँपालिका वडा नं. १ त्रिवेणी टोलबाट पक्राउ परेका हुन् । गाँउघरमा लुकीछिपी बसी रहेको भन्ने गोप्य सुचनाको आधारमा इलाका प्रहरी कार्यालय रत्ननगर टाडी र इलाका प्रहरी कार्यालय खैरहनीबाट संयुक्त रुपमा खटिएको प्रहरी टोलीले उनलाई मंगलबार बेलुका करिब ७ः४० बजेको समयमा बारा जिल्ला फेटा गाउँपालिका वडा नं. १ त्रिवेणी टोलबाट पक्राउ गरेको प्रहरीले जनाएको छ । उनलाई इलाका प्रहरी कार्यालय खैरहनीको हिरासतमा राखी थप अनुसन्धान भइरहेको जिल्ला प्रहरी कार्यालय चितवनले जनाएको छ ।
