नयाँ शैलीमा बजेट प्रस्तुत, एआईदेखि डिजिटल प्रोफाइलसम्म नयाँ घोषणा
प्रकाशित मिति: शुक्रबार, जेठ १५, २०८३ | १८:३९:१०
चितवन, १५ जेठ । अर्थमन्त्री डा. स्वर्णिम वाग्लेले आगामी आर्थिक वर्ष २०८३/८४ को बजेटमार्फत नयाँ शैली र नवीन कार्यक्रम प्रस्तुत गर्नुभएको छ । सङ्घीय संसद्को संयुक्त बैठकमा बजेट प्रस्तुत गर्दै उहाँले यसलाई “नागरिकसँग गरिएको करारको कार्य प्रारम्भ” को संज्ञा दिनुभयो ।
बजेटमा कर संरचनाको पुनरावलोकन, अनावश्यक अन्तःशुल्क तथा संरचना खारेज, ‘सन सेट’ कानुन, एआई फ्याक्ट्री, टेक हब नेपाल, डिजिटल टाइम कार्ड, एक नागरिक–एक डिजिटल प्रोफाइलजस्ता नयाँ कार्यक्रम समावेश गरिएको छ ।
यसैगरी, कृषि पुनरुत्थान, काठमाडौं–तराई द्रुतमार्ग, धुलो तथा खाल्डोमुक्त काठमाडौं, स्टार्टअप प्रवर्द्धन, विज्ञान प्रविधिमा एक प्रतिशत बजेट विनियोजन, राष्ट्रिय सम्पत्ति व्यवस्थापन कम्पनी स्थापना तथा कर्मचारीको तलबमा महँगी भत्तासहित २१ प्रतिशतसम्म वृद्धि गर्ने घोषणा गरिएको छ ।
प्रकाशित मिति : शुक्रबार, जेठ १५, २०८३ |
१८:३९:१०
1
