नेबिसंघको तदर्थ समितिमा ५ महामन्त्री र २ उपसभापति मनोनयन (नामावलीसहित)

नेबिसंघको तदर्थ समितिमा ५ महामन्त्री र २ उपसभापति मनोनयन (नामावलीसहित)

काठमाडौं,१९ माघ ।

नेपाली कांग्रेसले आफ्नो भ्रातृ संगठन नेपाल विद्यार्थी संघमा रिक्त रहेको तदर्थ समितिमा पदाधिकारी मनोनयन गरेको छ ।

वरिष्ठ नेता रामचन्द्र पौडेल र कृष्णप्रसाद सिटौला पक्षले पाएको महामन्त्रीको पदका लागि नाम टुङ्ग्याएपछि कांग्रेसले ५ जना महामन्त्री र २ जना उपसभापतिहरु मनोनयन गरेको हो । आज फरक–फरक स्थानमा बसेको दुबै समूहको बैठकले नेविसंघ महामन्त्रीको नाम टुङ्ग्याएका थिए ।

वरिष्ठ नेता पौडेल समूहले पाएको तीन महामन्त्रीका लागि प्रभात दाहाल, उर्मिला थपलिया र दीपक भट्टराईलाई नाम सिफारिस गरेको थियो भने नेता कृष्णप्रसाद सिटौला पक्षले समेत महामन्त्रीमा बलदेव तिमिल्सिना र युवराज पाण्डेलाई बनाउने निर्णय गरिएको थियो ।

महामन्त्रीको नाम सभापति देउवालाई दिएपछि देउवाले आजै उनीहरुलाई मनोनयन गरेका हुन् । कांग्रेसले नेविसंघको उपसभापतिमा तुलसा पन्त र मुक्तिराज पौडेललाई मनोनयन गरेको छ ।

पार्टी सभापति शेरबहादुर देउवा र वरिष्ठ नेता रामचन्द्र पौडेललाई ३र३ महामन्त्री र सिटौला पक्षले २ महामन्त्री पाउने गरी कांग्रेस शिर्ष नेताहरुका बिचमा सहमति भएको थियो ।

नेविसंघको उपाध्यक्षमा भने तीनै समूहले २र२ जना र सह-महामन्त्री पनि तीनै समूहले २र२ जना लिने सहमति भएको थियो ।

१ सय २७ सदस्यीय नेविसंघको तदर्थ समितिमा ६० जना सदस्य सभापति देउवा समूहबाट, ४० जना पौडेलबाट र ३० जना सिटौला समूहले पाउने सहमति भए पनि बाँकी पदाधिकारी र केन्द्रीय सदस्य भने पछि टुङ्ग्याइने कांग्रेसले जनाएको छ ।