धादिङमा बस दुर्घटना हुँदा ८ जना घाइते
धादिङवेशी,६ फागुन ।
धादिङमा बस दुर्घटना हुँदा ८ जना घाइते भएका छन् । नीलकण्ठ नगरपालिका– ९ स्थित पाल्पा भञ्ज्याङमा बस दुर्घटना हुदाँँ ८ जना घाईते भएका हुन् ।
बिहीबार ज्वालामुखी गाउँपालिकाको सुनखानीबाट काठमाडौँ आउँदै गरेको बा ४ ख ४१५२ नम्बरको बस अनियन्त्रित भई बिच सडकमा पल्टिएको हो । बस पल्टिएर घाइते हुनेहरुमा ज्वालामुखी– ७ की ८४ बर्षिया हरिमाया गुरुङ, ज्वालामुखी– ६ का २२ बर्षिय बिकास श्रेष्ठ, सोही स्थानका २२ बर्षिय रिदम नगरकोटी, ५६ बर्षिय यम श्रेष्ठ, ३७ बर्षिय लक्ष्मी गुरुङ, १५ बर्षिय अनन्य लिम्बु, नीलकण्ठ–११ की १७ बर्षिय सिमा मानन्धर र सोही स्थानकी ४३ बर्षिय सीता मानन्धर रहेका छन् ।
घाइतेमध्ये २२ बर्षिय रिदम नगरकोटीलाई थप उपचारको लागि काठमाडौँको ट्रमा सेन्टर रिफर गरिएको छ । अन्य घाइतेहरुको भने धादिङ अस्पतालमा उपचार भईरहेको छ ।
प्रहरीले घटनाको कारणबारे भने केही पनि बताएको छैन ।
