‘वर्ल्ड अफ डान्स नेपाल २०२६’ घोषणा, दयाहाङ राईद्वारा ट्रफी सार्वजनिक
प्रकाशित मिति: सोमबार, बैशाख ०७, २०८३ | १८:२३:३९
चितवन, ०७ बैशाख । विश्वप्रसिद्ध नृत्य प्रतियोगिता ‘वर्ल्ड अफ डान्स’ को नेपाली संस्करण ‘वर्ल्ड अफ डान्स नेपाल २०२६’ को औपचारिक घोषणा गरिएको छ।
ललितपुरमा आयोजित कार्यक्रममा प्रतियोगिताको संरचना, निर्णायक मण्डल र पुरस्कार सार्वजनिक गरिएको हो। सोही अवसरमा अभिनेता दयाहाङ राईले ट्रफी अनावरण गरेका थिए।
कार्यक्रममा बोल्दै दयाहाङ राईले नृत्यलाई अभिव्यक्तिको सशक्त माध्यमका रूपमा उल्लेख गर्दै यसले जीवनशैली र संस्कृतिलाई जोडेर अघि बढ्न मद्दत गर्ने बताए।
सन् २००८ मा दक्षिणी क्यालिफोर्नियाबाट सुरु भई ५० भन्दा बढी देशमा फैलिएको यो प्रतियोगिता नेपालमा ल्याउनुको उद्देश्य नेपाली प्रतिभालाई अन्तर्राष्ट्रिय मञ्चमा प्रस्तुत गर्नु रहेको आयोजकले जनाएको छ।
प्रतियोगितामा बलिउडका चर्चित कोरियोग्राफर टेरेन्स लुइससहित नेपाली किरण थापा र जेडी तमु निर्णायकका रूपमा रहनेछन्।
प्रकाशित मिति : सोमबार, बैशाख ०७, २०८३ |
१८:२३:३९
309
सम्बन्धित समाचार
समाबेसी ट्रेन्डिङ
