डा.भण्डारी र विश्वकर्मासहित ८ जना कांग्रेस केन्द्रीय सदस्यमा मनोनित
प्रकाशित मिति: बिहिबार, आश्विन ०४, २०८० | १७:००:१५
काठमाडौँ । नेपाली कांग्रेसमा ८ जना केन्द्रीय सदस्य मनोनित भएका छन् । सभापति शेरबहादुर देउवाले डा.चन्द्र भण्डारीसहित ८ जनालाई केन्द्रीय सदस्यमा मनोनीत गरेका हुन् । सभापति देउवाले नेपाली कांग्रेसको विधान, २०१७ (संशोधन सहित) को धारा २१ को उपधारा (१०) बमोजिम केन्द्रीय सदस्य मनोनीत गरेका हुन् ।
केन्द्रीय सदस्यमा मानबहादुर विश्वकर्मा (अर्घाखाँची), अर्जुनप्रसाद जोशी (पर्वत), डा. चन्द्र भण्डारी (गुल्मी), शिवप्रसाद हुमागाई (काभ्रेपलाञ्चोक), किरणराज शर्मा पौडेल (बाग्लुङ), भरतकुमार शाह (रुपन्देही), शारदा पौडेल (कास्की) र अनिलकुमार रुंगटा (पर्सा) छन् ।मनोनित भएकामध्य प्राय १४ औँ महाधिवेशनमा पराजित भएका अनुहार छन् । डा. भण्डारी उपसभापति, विश्वकर्मा सहमहामन्त्रीमा पराजित भएका हुन् । जोशी गण्डकी सभापति र शाह लुम्बिनी सभापतिमा पराजित भएका हुन् ।
प्रकाशित मिति : बिहिबार, आश्विन ०४, २०८० |
१७:००:१५
1607
