कप्तान पूजाको शतकमा नेपालले कुवेतलाई दियो २१४ रनको लक्ष्य
प्रकाशित मिति: मंगलबार, कार्तिक २७, २०८१ | १४:०१:१५
चितवन, २७ कार्तिक । आईसीसी यू–१९ महिला ट्वान्टी–२० विश्वकपको एसिया छनोटमा नेपालले कुवेतलाई २१४ रनको लक्ष्य दिएको छ । यूएईमा आज भइरहेको चौथो खेलमा नेपालले निर्धारित २० ओभरमा दुई विकेट गुमाएर २१३ रन बनाएको हो ।
नेपालका लागि कप्तान पूजा महतोले शतक बनाइन् । पूजाले ६९ बलमा १७ चौकासहित १३० रन बनाइन् ।
यस्तै, सोनु पाख्रिनले ३३ बलमा दुई चौकासहित ४३ रन बनाइन् । कुवेतकी जिफा जिलानी र राइलिन मारिया डी सुजाले समान एक विकेट लिए ।
प्रकाशित मिति : मंगलबार, कार्तिक २७, २०८१ |
१४:०१:१५
661
