खैरहनी महोत्सवमा बुधबार दर्शक उर्लिए, सुप्रिम, शान्ता र पलको प्रस्तुतिले तात्यो माहोल

चितवन, १० पौष । तेस्रो खैरहनी महोत्सव छैटौं दिन अपरान्ह मौसम चिसिदै थियो । सार्वजनिक बिदा भएकाले पनि दर्शकको उपस्थिति निकै बाक्लो देखिन्थ्यो । दिउँसो देखिनै दर्शकलाई बाल गायक सुप्रिम मल्ल र गायिका शान्ता रानी  परियारले मनोरञ्जन दिलाएका थिए । दुवैजनाको गितमा भरपुर मनोरन्जन लिएका दर्शकले अपरान्ह अभिनेता पल शाहको उपस्थितिले झनै माहोल तताउन सुरु गरे । शान्ता रानिको म त ढले ढले भन्ने गितमा झुमेका दर्शकलाई अभिनेता पल शाहले नृत्य मार्फत झनै झुलाईदिए । सांझको मौसम चिसिदै गएपनी पल शाहको नृत्यले दर्शकले चिसोको कुनै प्रवाह गरेनन् । लामो समय स्टेजमा देखिएका शाहले सांझै सम्म मनोरञ्जन दिलाए ।

अन्य दिन दर्शकको उपस्थिति संतोषजनक रहेकोमा बुधबारको उपस्थितिले महोत्सव आयोजक उद्योग बाणिज्य संघ खैरहनी हौसिएको छ । बुधबार करिब २० दर्शकको उपस्थिति रहेको आयोजकले जनाएको छ । संघका अध्यक्ष एवं महोत्सवका संयोजक कुमार खनालका अनुसार अब दर्शकको उपस्थिति बाक्लिदै जानेछ । आजको उपस्थितिले हामिमा उत्साह थपेको छ,संयोजक खनालले भने – अब बिस्तारै महोत्सवको रौनक बढ्नेछ ।

महोत्सवको सातौं दिन अर्थात बिहीबार चर्चित गायिका अस्मिता अधिकारी लगायतका कलाकार आउने महोत्सवको कला तथा सांस्कृतिक समिती संयोजक एवं संघका वरिष्ठ उपाध्यक्ष अर्जुन लम्सालले जानकारी दिए । पुस ५ गतेदेखि सुरु भएको महोत्सव १६ गतेसम्म चल्ने छ भने पुस १३ गतेदेखि १५ गतेसम्म पर्सामा फुडफेस्टिवल पनि आयोजना हुदैछ ।