खैरहनीमा किशोर किशोरीलाई प्रशिक्षण सुरु

चितवन, ११ माघ । खैरहनीमा किशोर किशोरीहरुलाई विभिन्न विषयमा प्रशिक्षण कार्यक्रम सुरु भएको छ । खैरहनी नगरपालिकाको आयोजनामा दुुईदिनसम्म संचालन हुने कार्यक्रममा जिवनउपयोगी सिप , किशोर किशोरीको सवालहरु , दैनिक जीवनमा थाहा पाउनुुपर्ने कानुनी व्यवस्था , बालअधिकार , बाल यौन दुव्र्यवहार , महिला हिंसा न्यूनिकरणको उपाय , यौन तथा प्रजनन स्वास्थ्य अधिकार , स्थानिय सरकारको कानुनी व्यवस्था , संरचना र अभ्यास , आत्मरक्षा कला र अभ्यास , सामाजिक राजनितिक नेतृत्वको अनुुभव , अभ्यास र आवश्यकता लगायतको विषयमा प्रशिक्षण र छलफल हुने खैरहनी नगरपालिका महिला ,वालवालिका तथा जेष्ठ नागरिक शाखा प्रमुख कृष्णा कुमार गुरुङले जानकारी दिइन् ।

कार्यक्रमको आज खैरहनी नगरपालिकाका नगर प्रमुख शशि कुमार खनियाँले उद्घाटन गरेका छन् । उद्घाटनको क्रममा बोल्दै नगर प्रमुख खनियाँले खैरहनी नगरपालिकाले किशोर अवस्थामा आवश्यक विभिन्न विषयमा जानकारी दिने उदेश्यले नगरपालिकाले प्रशिक्षण कार्यक्रम आयोजना गरेको बताए । खैरहनी नगरपालिकाकी उप प्रमुख कविता उप्रेतीले यो प्रशिक्षणबाट सिकेको कुरालाई समाजमा अरुलाई समेत बुझाउन सकिने बताइन् । बालबालिकाका अधिकार , किशोर किशोरी अवस्था , प्रजनन स्वास्थ्य , बालविवाह , आत्मरक्षाको अभ्यास लगायतको विषयमा प्रशिक्षण दिनेहुदाँ यसको महत्व धेरै रहेको उप प्रमुख उप्रेतीले बताइन् ।