कुमरोज मध्यवर्ती सामुदायिक वनको अध्यक्षमा सिलवाल निर्वाचित

चितवन, ०४ वैशाख । खैरहनीमा रहेको कुमरोज मध्यवर्ती सामुदायिक वनको अध्यक्षमा राजु प्रसाद सिलवाल निर्वाचित भएका छन् । परिषद सदस्यहरूबाट कार्यसमिति चयन हुने प्रावधान अनुरुप आज नयाँ पदाधिकारीहरुको चयन भएका हुन् । चैत्र ३० गते भएको वनको परिषद सदस्य निर्वाचनमा विजयी भएकाहरु मध्यबाट अध्यक्ष पदको लागि सिलवालको मात्रै उम्मेदवारी परेकाले उनी निर्विरोध निर्वाचित भएका छन् ।

त्यस्तै वनको उपाध्यक्षमा भिमसेन बाहादुर थापा , सचिवमा सावित्री चौधरी र क‍‍ोषाध्यक्षमा कालिका राय क्षेत्री निर्वाचित भएका छन् । कार्यसमिति सदस्यहरुमा नमराज न्यौपाने, गणेशलाल श्रेष्ठ, कविता महत्तो, राजन बर्तौला, मुनेश्वरलाल चौधरी, सिखा ओलि दराई, शान्ता कडेल, शशिकला न्यौपाने, सरस्वती चौधरी सावित्री तमाङ्ग निर्वाचित भएका छन् । त्यस्तै लेखा समिती संयोजकमा सुर्य भुसाल र सदस्यहरुमा कविता उप्रेती र राजकुमार गौतम निर्वाचित भए ।

अध्यक्षमा निर्वाचित भएपछी अध्यक्ष सिलवालले वनका सम्पुर्ण उपभोक्ताहरुले महसुस गर्ने गरि संरक्षणको क्षेत्रमा काम गर्ने प्रतिबद्धता व्यक्त गरेका छन् । कुमरोजलाई पर्यटनको हव बनाउने गरि सबै उपभोक्ताहरुको हितमा काम गर्ने बताए । दुई हजार २ सय बढी उपभोक्ता रहेको कुमरोज मध्यवर्ती सामुदायिक वन पछिल्लो समय सफारीको लागी पर्यटकको रोजाईमा पर्दै आएको छ।