खैरहनी ९ मा रास्वपाको वडा भेला, १ सय २० जना पार्टी प्रवेश

चितवन , १७ जेठ । राष्ट्रिय स्वतन्त्र पार्टी खैरहनी ९ को वडा भेला तथा भेटघाट कार्यक्रम शनिबार  सम्पन्न भएको छ । वडा भेला तथा भेटघाट कार्यक्रमको अवसरमा एक सय २० जना पार्टी प्रवेश गरेका छन् । चितवन क्षेत्र नम्बर १ का प्रतिनिधि सभा सदस्य एवम् रास्वपाका केन्द्रिय सदस्य हरि ढकालको नवप्रवेशीहरुलाई स्वागत गरेका थिए । कार्यक्रमका प्रमुख अतिथि प्रतिनिधिसभा सदस्य ढकालले पुरानो दलको सिन्डिकेट हरेक क्षेत्रमा रहेको भन्दै आगामी निर्वाचनमा स्पष्ट बहुमत ल्याएर राष्ट्रिय स्वतन्त्र पार्टीले सिन्डिकेट तोड्ने दावी गरेका छन् । पार्टी स्थापनाको छोटो समयमै भएपनी रास्वपाले बलियो उपस्थिति देखाएको छ उनले भने । भ्रष्टाचार विरुद्ध र सुशासन कायम गराउन आफुहरुको गतिविधि देखेर पुराना दलले व्यापक घेराबन्दी गरेको बताए । नेताहरुले नागरिकहरुलाई बेचिरहेको भन्दै ढकालले त्यसको विरोध गरे ।

विदेश जादा लाखौ नेपालीहरु ठगी गेरेको भन्दै उनले उच्चस्तरिय छानबिन न्यायिक समिती बनाउन माग गरे । ढकालले गृहमन्त्रीले राजीनामा दिनुपर्ने समेत माग गरेका छन् । छानबिन समिति गठन र गृहमन्त्रीले राजिनामा नदिएसम्म सदन चल्न नदिने उनले स्पष्ट पारे । उनले पार्टी सभापति रवि लामिछानेलाई प्रतिशोध साधिएको बताए । न्यायलयप्रति सम्मान रहेको छ भन्दा भन्दै पछिल्लो समयका केही फैसला अदेशलाई सहजै रुपमा चित्त बुझाउन कठिन भएको बताए ।
ठगी भएको विषय रास्वपाले कडा रुपमा उठान गर्ने उनले बताए ।

कार्यक्रममा रास्वपाका केन्द्रिय सदस्य राजन गौतमले यसवर्षको बजेटमा चितवनलाई उपेक्षा गरिएको बताए । आफू अनुकुलको माहोल नभएपछि समग्र जिल्लालाई नै राज्यको अभिभावक बनेकाहरुले उपेक्षा गर्नु गलत भएको उनले बताए । चितवनको तिनवटा क्षेत्रमा रास्वपा र राप्रपाका उम्मेदवार विजयी भएको , भरतपुरमा माओवादीको मेयर भएको कारण समग्र जिल्लानै उपेक्षित भएको गौतमको दावी छ । खैरहनी ९ का वडा उपसभापति कृष्ण सुवेदी को अध्यक्षतामा भएको कार्यक्रममा जिल्ला सभापति कृष्ण प्रसाद भुषाल , क्षेत्र नम्बर एकका सभापति टिकादत्त इटनी , खैरहनी नगर सभापति राज सिलवाल लगायतले पार्टीको गतिविधि विस्तारमा सबै लाग्नुपर्नेमा जोड दिए ।