कंकाली दुग्ध उत्पादक सहकारीको साधारण सभा

चितवन, २६ पुष । खैरहनी ४ मा रहेको कंकाली दुग्ध उत्पादक सहकारी संस्था लिमिटेडको ३३ औं बार्षिक साधारण सभा शनिबार सम्पन्न भएको छ । संस्थाका अध्यक्ष कृष्ण बहादुर बस्नेतको अध्यक्षता तथा खैरहनी ४ का वडा अध्यक्ष बेदबहादुर अधिकारीको प्रमुख आतिथ्यतामा कार्यक्रम भएको हो । कार्यक्रममा संस्थाका अध्यक्ष बस्नेतले बार्षिक प्रगति प्रतिबेदन तथा भावी निति ,कार्यक्रम र लेखा सुपरिवेक्षण समिति संयोजक रामकृष्ण खतिवडाले लेखा प्रतिबेदन प्रस्तुत गरेका थिए ।

सो अवसरमा संस्थामा बार्षिक ५ हजार लिटर भन्दा बढी दुध बिक्री गर्ने किसान ,गुणस्तरीय दुध बेच्ने किसान तथा नियमित दुध खरिद गर्ने एक जना ब्यबसायिलाई पुरस्कृत गरिएको संस्थाका सचिव कृष्ण न्यौपानेले जानकारी दिए । संस्थाका सदस्य गोबिन्द खनालले स्वागत मन्तव्य राखेका कार्यक्रममा युवा समाजसेवी किशोर रावल लगायतले मन्तव्य राखेका थिए ।