इन्टरनेशनल कलेजमा हेमन्तको नेतृत्वमा पूर्वविद्यार्थी समिति गठन

चितवन , ५ वैशाख । पूर्वीचितवनको खैरहनीमा रहेको इन्टरनेशनल कलेजमा पूर्व विद्यार्थी समिति गठन भएको छ । हेमन्त आले मगरको नेतृत्वमा आज १५ सदस्यीय नयाँ कार्यसमिति गठन भएको हो । २०५३ सालमा स्थापना भएको कलेजबाट सयौं विद्यार्थी दिक्षित भएर गएतापनि हालसम्म पूर्वविद्यार्थी समिति गठन हुनसकेको थिएन । कलेजमा अध्ययन गरेका पुर्वविद्यार्थीहरुको वृहत भेलाले १५ जना कार्यसमिति र ४ जनाको सल्लाहकार समिति गठन गरेको हो ।

समितिको उपाध्यक्षहरुमा टिक प्रसाद सिटौला र सविना अर्याल ,सचिवमा सागर मिश्र, कोषाध्यक्षमा सुस्मिता सिलवाल ,सह सचिवमा रन्जित पण्डित, सदस्यहरुमा प्रविण खरेल, लोकेश श्रेष्ठ , आशिष उप्रेती, रोजिना अधिकारी , सिजा तिमिल्सीना , रविन भट्राई , सुमन उप्रेती , प्रतिक्षा उप्रेती र सोनी चौधरी चयन भएका छन् । त्यस्तै डा.धर्मराज उप्रेतीको संयोजकत्वमा ४ जनाको सल्लाहकार समिति चयन भएको छ । सल्लाहकार समितिको सदस्यहरुमा सन्जिव न्यौपाने , सन्तोष कंडेल र दिपा उप्रेती रहेका छन् । समितिको संरक्षकमा कलेज प्रमुख रहने उल्लेख गरिएको छ । कलेजको सभाहलमा भएका वृहत भेलाले २ बर्षे कार्यकाल रहने गरि कार्यसमिति गठन गरेको हो । यस अघि चैत २८ गते भएको एक भेलाले हेमन्त आलेकै नेतृत्वमा तदर्श समिति गठन गरेको गरेको थियो । भेलाले तदर्थ समितिलाई बैशाख ५ गतेनै वृहत भेला आव्हान गरि नयाँ कार्यसमिति चयन गर्ने म्यान्डेट दिएको थियो ।

आज सम्पन्न भेलाबाट निर्वाचित समितिलाई कलेज प्रमुख भिष्मराज पाठक , निवर्तमान कलेज प्रमुख झगरु प्रसाद चौधरी , कलेज संचालक समितिका कोषाध्यक्ष तथा प्राध्यापक कपिलदेव सुवेदी लगायतले खादा तथा टिका लगाई बधाईको साथै सफल कार्यकालको शुभकामना दिएका थिए । कार्यक्रमका प्रमुख अतिथि कलेजका अध्यक्ष तथा बागमती प्रदेश सभा सदस्य जे एन थपलियले पुर्व विद्यार्थीहरु र कलेज प्रशासन एकाकर भएर कलेजको आगामी गतिविधि बढाउनुपर्नेमा जोड दिए ।