१९ जनाको ज्यान जाने धादिङ दुर्घटनामा गृह मन्त्रालयद्वारा छानबिन सुरु
प्रकाशित मिति: सोमबार, फाल्गुण ११, २०८२ | १८:३५:४५
चितवन, ११ फाल्गुण। सरकारले धादिङमा भएको बस दुर्घटनाको कारण पत्ता लगाउन पाँच सदस्यीय छानबिन कार्यदल गठन गरेको छ ।
आज गृह मन्त्रालयमा बसेको उच्चस्तरीय बैठकले सहसचिवको नेतृत्वमा कार्यदल बनाउने निर्णय गरेको हो ।
गृह मन्त्रालयका अनुसार दुर्घटनामा बसमा सवार ४४ यात्रुमध्ये १९ जनाको ज्यान गएको छ भने २५ जना घाइते भएका छन् ।
कार्यदललाई घटनाको विस्तृत छानबिन गरी प्रतिवेदन पेस गर्न निर्देशन दिइएको छ ।
दुर्घटनाको जानकारी प्राप्त हुनासाथ नेपाली सेना, नेपाल प्रहरी, सशस्त्र प्रहरी बल नेपाल र स्थानीय बासिन्दाको सहयोगमा उद्धार कार्य तदारुकताका साथ सञ्चालन गरिएको मन्त्रालयले जनाएको छ ।
प्रकाशित मिति : सोमबार, फाल्गुण ११, २०८२ |
१८:३५:४५
1123
