नेप्से दोहोरो अङ्कले घट्यो, २४.४५ अङ्कको गिरावट

चितवन, ११ चैत्र । नेपाल स्टक एक्सचेञ्ज (नेप्से) परिसूचक आज दोहोरो अङ्कले घट्दै २४ दशमलव ४५ अङ्कले झरेर दुई हजार ९३५ दशमलव ९४ बिन्दुमा कायम भएको छ।

आज ३४५ कम्पनीका तीन करोड ५८ लाख १९ हजार ८२९ कित्ता शेयर एक लाख ३८ हजार २५६ पटक खरिदबिक्री हुँदा कुल कारोबार रकम रु १५ अर्ब नौ करोड चार लाख १६ हजार ८४६ पुगेको छ।

समूहगत प्रदर्शनतर्फ उत्पादन तथा प्रशोधन समूह शून्य दशमलव ४८ प्रतिशत र व्यापार समूह तीन दशमलव ४५ प्रतिशतले बढे पनि अन्य सबै समूहका उपसूचक घटेका छन्। बैंकिङ एक दशमलव ४०, विकास बैंक दुई दशमलव ३२, वित्त दुई दशमलव ०९, होटल तथा पर्यटन शून्य दशमलव ०५, जलविद्युत् शून्य दशमलव १६, लगानी शून्य दशमलव ५३ र जीवन बिमा समूह एक दशमलव ३९ प्रतिशतले घटेका छन्।

यसैगरी लघुवित्त एक दशमलव ६४, म्युचुअल फन्ड शून्य दशमलव ३४, निर्जीवन बीमा एक दशमलव ११५ र अन्य समूह एक दशमलव ७० प्रतिशतले ओरालो लागेका छन्।

आजको कारोबारमा रिलायन्स स्पिनिङ मिल्स लिमिटेड र सुपर खुदी हाइड्रोपावर लिमिटेडको शेयर मूल्यमा सकारात्मक सर्किट लागेको छ भने अभियान लघुवित्त वित्तीय संस्था लिमिटेडको शेयर मूल्य सबैभन्दा धेरै सात दशमलव ७४ प्रतिशतले घटेको छ।