भारतबाट आएको हात्तीको बथानले बाहुनडाँगीमा आतंक, किसानको बाली नष्ट
प्रकाशित मिति: आइतबार, बैशाख २७, २०८३ | ११:५१:३३
चितवन, २७ बैशाख । बाहुनडाँगी क्षेत्रमा भारतबाट प्रत्येक रात आउने हात्तीको बथानका कारण स्थानीयवासी त्रसित बनेका छन् । एक सातायता भारतीय जङ्गलबाट नेपाल प्रवेश गर्ने ३० देखि ४० वटा हात्तीले मकै, सुपारीलगायत पाकेका बालीमा ठूलो क्षति पुर्याइरहेका छन् ।
मेचीनगर वडा नं १, ४ र ५ का बासिन्दाले रातभर जाग्राम बसेर हात्ती धपाउने प्रयास गरिरहेका छन् । स्थानीयका अनुसार भारतको आसाम क्षेत्रबाट आएको करिब १०० हात्तीको समूह दिनभर सीमापारिको जङ्गलमा बस्ने र राति नेपाल प्रवेश गर्ने गरेको छ ।
हात्ती नियन्त्रणका लागि सुरक्षाकर्मी, वन रक्षक तथा रेपिड रेस्पोन्स टोली परिचालन गरिएको छ । स्थानीय तहले सीमामा ट्र्याक्टर परिचालन गर्ने, माइकिङमार्फत सचेतना फैलाउने र सौर्य तारबार मर्मत गर्ने निर्णय गरेको जनाएको छ ।
प्रकाशित मिति : आइतबार, बैशाख २७, २०८३ |
११:५१:३३
419
