सशस्त्र प्रहरी निरीक्षक खगेन्द्र चापागाईविरुद्ध भ्रष्टाचार मुद्दा
प्रकाशित मिति: शुक्रबार, फाल्गुण २३, २०७६ | १५:२२:४०
काठमाडौं,२३ फागुन ।
सशस्त्र प्रहरी बल (बीओपी) टांघनडुब्बा, झापामा कार्यरत सशस्त्र प्रहरी निरीक्षक खगेन्द्र चापागाईविरुद्ध भ्रष्टाचार मुद्दा दायर गरिएको छ।
अख्तियार दुरुपयोग अनुसन्धान आयोगले सशस्त्र इन्स्पेक्टर चापागाईविरुद्ध सेवाग्राहीसँग ५० हजार रुपैयाँ घुस लिएको आरोपमा शुक्रबार विशेष अदालतमा मुद्दा दर्ता गरेको हो। उनले व्यापार व्यवसायमा सहजीकरण गरिदिने भनी पटक–पटक दुःख हैरानी दिई ५० हजार रुपैयाँ लिएको अनुसन्धानबाट देखिएको आयोगले जनाएको छ।
उनलाई भ्रष्टाचार निवारण ऐन, २०५९ को दफा २१ मा उल्लेख भए बमोजिम सोही ऐनको दफा ३ को उपदफा (१) र दफा ३ को उपदफा (१) को खण्ड (ख) बमोजिम हुने सजायको आधा सजाय हुन मागदाबी लिइ आरोप पत्र दायर गरिएको छ।
प्रकाशित मिति : शुक्रबार, फाल्गुण २३, २०७६ |
१५:२२:४०
4753
