सवारी दुर्घटनामा एक जनाको मृत्यु
प्रकाशित मिति: शनिबार, फाल्गुण ०८, २०७७ | १२:५३:३३
काठमाडाैं फागुन ८ ।
पूर्वपश्चिम राजमार्गको मेचीनगर-१३ स्थित चारआलीमा सवारी दुर्घटना परी ग्लोबल आईएमई बैंक फिक्कलका शाखा प्रमुख अनन्त आचार्यको मृत्यु भएको छ।
शुक्रबार मे ११ प ४४७८ नम्बरको मोटरसाइकलले विपरीत दिशाबाट आउँदै गरेको मे ११ प ११३१ नम्बरको मोटरसाइकल एक आपसमा ठोक्किँदा उनी गम्भीर घाइते भएका थिए। घाइते आचार्यको विर्तामोडस्थित बीएण्डसी अस्पतालमा उपचारकै क्रममा गएराति मृत्यु भएको जिल्ला प्रहरी कार्यालयले जनाएको छ।
यसैगरी मे ११ प ११३१ नम्बरको मोटरसाइकलमा सवार दुई जना घाइते भई उपचार भइरहेको छ। दुवै मोटरसाइकल प्रहरीको नियन्त्रणमा रहेका छन्। रासस
प्रकाशित मिति : शनिबार, फाल्गुण ०८, २०७७ |
१२:५३:३३
3477
