सल्यानमा तरकारी बोकेको जिप दुर्घटना हुँदा २ जनाको मृत्यु
प्रकाशित मिति: सोमबार, आश्विन ०८, २०८० | १०:०१:४०
सल्यान । सल्यानमा सोमबार बिहान तरकारी बोकेको जीप दुर्घटनामा परेको छ । रोल्पाबाट दाङतर्फ जाँदै गरेको रा १ च १०२५ नम्बरको जिप सोमबार बिहान सवा ६ बजेतिर कपुरकोट गाउँपालिका वडा नम्बर ३ चोरखोला नजिकै दुर्घटना हुँदा दुई जनाको घटनास्थलमै मृत्यु भएको जिल्ला प्रहरी कार्यालय सल्यानले जनाएको छ । प्रहरीका अनुसार मृतकको सनाखत हुन बाँकी छ । दुर्घटनामा एक जना सख्त घाइते भएका छन् । दुर्घटनामा परेको जिप सडकदेखि अन्दाजी ३ सय मिटर तल खसेको थियो । घटनाको थप अनुसन्धान भइरहेको प्रहरीको भनाइ छ ।
प्रकाशित मिति : सोमबार, आश्विन ०८, २०८० |
१०:०१:४०
2311
