रोनाल्डोको शानदार प्रदर्शनमा अल नासर विजयी
प्रकाशित मिति: बुधबार, कार्तिक ०८, २०८० | १०:००:०८
काठमाडौँ । एशियन च्याम्पियन्स लिग अन्तर्गत अल नासरले कतारी क्लब अल दुहैललाई पराजित गरेको छ । गएराती सम्पन्न समुह ई अन्तर्गतको खेलमा अल नासरले क्रिस्टियानो रोनाल्डोको शानदार प्रदर्शनमा अल दुहैललाई ४-३ गोल अन्तरले पराजित गरेको हो ।
अल नासरको जितमा रोनाल्डोले यस खेलमा एक असिस्ट र २ गोल गरेका थिए । त्यसैगरी अल नासरका लागि टालिस्का र साडियो मानेले एक एक गोल गरेका थिए ।
त्यस्तै अल दुहैलका लागि इस्माइल मोहमद, अल्मोएज अलि र् मिचेल ओलुन्गाले एक/एक गोल गरेका थिए । जितपछि अल नासर ३ खेलमा ९ अंक हासिल गर्दै शिर्ष स्थानमा रहेको छ ।
प्रकाशित मिति : बुधबार, कार्तिक ०८, २०८० |
१०:००:०८
3697
