दुई दिनमै १८ सयले घट्यो सुनको भाउ, कतिमा हुँदैछ किनबेच ?
प्रकाशित मिति: सोमबार, मंसिर २५, २०८० | १२:०२:२५
काठमाडौं । साताको दोस्रो दिन सोमबार पनि सुनको भाउ घटेको छ । आइतबार प्रतितोला १३ सयले घटेको सुनको मूल्य आज सोमबार पुनः प्रतितोला ५०० रुपैयाँले सस्तिएको हो । नेपाल सुनचाँदी व्यवसायी महासंघका अनुसार सोमबार छापावाला सुन १ लाख १७ हजार र तेजावी सुन १ लाख १६ हजार ४५० रुपैयाँ प्रतितोला कायम भएको छ । अघिल्लो दिन छापावाला सुन १ लाख १७ हजार ५०० र तेजावी सुन १ लाख १६ हजार ९५० रुपैयाँमा कायम भएको थियो ।
त्यस्तै, आज चाँदीको भाउपनि घटेको छ । आइतबार प्रतितोला १ हजार ४२५ रुपैयाँमा कारोबार भएको चाँदी आज १५ रुपैयाँले घटेर प्रतितोला १ हजार ४१० रुपैयाँमा कायम भएको छ ।
प्रकाशित मिति : सोमबार, मंसिर २५, २०८० |
१२:०२:२५
2707
