पूर्वराष्ट्रपति डोनाल्ड ट्रम्पले जिते आयोवाको ककस
प्रकाशित मिति: मंगलबार, माघ ०२, २०८० | १८:००:५५
काठमाडौँ । अमेरिकी पूर्वराष्ट्रपति डोनाल्ड ट्रम्पले राष्ट्रपति चुनावका लागि उम्मेदवार हुनुपूर्व आयोवा राज्यबाट स्थानीय प्रतिनिधिहरुको समर्थन पाएका छन् । ककस भनिने यो प्रतिस्पर्धामा सबैभन्दा अन्तिम स्थानमा रहेका भारतीय मूलका विवेक रामास्वामीले राष्ट्रपतिको चुनावी अभियानबाट पछि हटेको बताएका छन् । उनले राष्ट्रपति निर्वाचनमा डोनाल्ड ट्रम्पलाई समर्थन गर्ने बताएका छन् । ककसको आयोजना स्कुल जिम, टाउन हल जस्ता सार्वजनिक स्थानमा हुने गर्दछ । ककस एक प्रकारको स्थानीय बैठक हो । यसको आयोजना रिपब्लिकन र डेमोक्रेटिक दुई पार्टीहरुले गर्दछन् । आयोजनामा हुने खर्च पनि तिनै पार्टीहरुले व्यहोर्छन् ।
प्रकाशित मिति : मंगलबार, माघ ०२, २०८० |
१८:००:५५
2553
