आइतबार सुनको मूल्य ४ सय रुपैँयाले बढ्यो
प्रकाशित मिति: आइतबार, माघ ०७, २०८० | ११:३७:३३
काठमाडौँ । नेपाली बजारमा आज (आइतबार) सुनको भाउ बढेको छ । नेपाल सुनचाँदी व्यवसायी महासंघका अनुसार आज छापावाला सुन तोलामा ४ सय रुपैँयाले बढेको हो । शुक्रबार तोलाको एक लाख १८ हजारमा कारोबार भएको छापावाल सुन आइतबार तोलाको एक लाख १८ हजार ४०० मा कारोबार भइरहेको छ ।
यस्तै तेजावी सुन तोलाको एक लाख १७ हजार ८५० मा कारोबार भइरहेको महासंघले जनाएको छ । सोही सुन अघिल्लो दिन एक लाख १७ हजार ४५० मा कारोबार भएको थियो । चाँदीको मूल्य भने तोलामा पाँच रुपैयाँ घटेको छ । चाँदी प्रतितोला एक हजार ३९० रुपैयाँमा कारोबार भइरहेको महासंघले जनाएको छ ।
प्रकाशित मिति : आइतबार, माघ ०७, २०८० |
११:३७:३३
3389
