खैरहनी मेयर कपःआजको दुई खेलमा वडा नम्बर १० र ७ विजयी
प्रकाशित मिति: आइतबार, माघ १४, २०८० | २१:०८:००
चितवन , १४ माघ । खैरहनीमा जारी दोस्रो मेयर रनिङ्ग कप फुटबल प्रतियोगिता अन्तर्गत आज (आइतबार) भएको खेलहरुमा वडा नम्बर १० र वडा नम्बर ७ विजयी भएको छ । वडा नम्बर १० र वडा नम्बर ५ बिच भएको खेलमा २ का विरुद्ध ३ गोल गर्दै वडा नम्बर १० विजयी भएको हो । किपरमाथी फल हुँदा समेत रेफ्रीले फल नदिएर गोल सदर गरेको भन्दै वडा नम्बर ५ का खेलाडीहरुले २० मिनेट खेल बाँकी रहदै खेल छाडेका थिए ।
आजै भएको वडा नम्बर ७ र ८ को खेलमा वडा नम्बर ७ विजयी भएको छ । खेलको निर्धारित समयभित्र दुवै समुहले गोल गर्न नसकेपछि खेल पेनाल्टी सुटमा गएको थियो । पेनाल्टीमा २ का विरुद्ध ४ गोल गर्दै वडा नम्बर ७ विजयी भएको हो । दुई पटक पहेलो कार्डको कारण खेलको ५९ औं मिनेटमा वडा नम्बर ७ का कप्टान मिसन चौधरी खेलबाट बाहिरिएका थिए । उक्त खेलमा वडा नम्बर ७ का सुदिप चौधरी म्यान अफ द म्याच घोषित भएका छन् ।
उनलाई खैरहनी नगरपालिकाका नगर प्रमुख शशि कुमार खनियाँले म्यान अफ द म्याचको ट्रफी प्रदान गरेका छन् ।
वडा नम्बर ७ र ८ बिच खेलको भिडियो
प्रकाशित मिति : आइतबार, माघ १४, २०८० |
२१:०८:००
2817
