खैरहनी मेयर कपः वडा नम्बर ६ र १ सेमिफाइनल प्रवेश

चितवन , १७ माघ । पूर्वीचितवनको खैरहनी जारी दोस्रो मेयर रनिङ कप फुटबल प्रतियोगितामा वडा नम्बर ६ र १ सेमिफाइन प्रवेश गरेका छन् । आज भएको खेलहरुमा वडा नम्बर ७ लाई पराजित गर्दै वडा नम्बर ६ र वडा नम्बर १० लाई पराजित गर्दै वडा नम्बर १ सेमिफाइनल प्रवेश गरेका हुन् । आज बिहान वडा नम्बर ६ र ७ बिच भएको खेलको निर्धारित समयमा दुवै समूहले गोल गर्न सकेनन् । त्यसपछि भएको पेनाल्टी सुटमा वडा नम्बर ६ ले ५ का विरुद्ध ६ गोल गर्दै वडा नम्बर १० लाई पराजित गरेको हो । त्यस्तै आज दिउँसो भएको खेलमा वडा नम्बर १० लाई ० का विरुद्ध ३ गोलले पराजित गर्दै खैरहनी १ सेमिफाइन प्रवेश गरेको हो ।

खेलको दोस्रो हाफमा खैरहनी १ ले तिन गोल गरेको हो । खैरहनी १ का रोहन चौधरी , अमित थापा मगर र क्षितिज चौधरीले एक एक गोल गरेका थिए । उक्त खेलमा वडा नम्बर १० का विवश चौधरीले म्यान अफ द म्याचको ट्रफी प्राप्त गरेका छन् । प्रतियोगिता अन्तर्गको सेमिफाइनल खेल विहिबार हुने आयोजनले जनाएको छ । भोली बिहान वडा नम्बर ६ र ९ बिच तथा दिउँसो वडा नम्बर १ र १३ बिच सेमिफाइनल खेल हुने प्रतियोगिताका संयोजक छन्नु महतोले जानकारी दिए ।

प्रतियोगिताको फाइनल खेल शनिबार दिउँसो हुने १ बजे हुने महतोले बताए । प्रतियोगितामा प्रथम हुनेलाई नगद ६० हजारसहित ट्रफी र मेडल प्रदान गरिने तथा द्धितिय हुनेलाई नगद ४५ हजारसहित ट्रफी र मेडल प्रदान गरिने खैरहनी नगर खेलकुद विकास समितिका अध्यक्ष धनविर चौधरीले बताए ।