चितवनमा ईभी माइक्रो र बस ठक्करखादा कम्तीमा ६ जनाको मृत्यु

चितवन, ०७ असार । चितवनको राप्ती नगरपालिका वडा नम्बर ४ लक्ष्मीनारायण चोक नजिक आज ईभी माइक्रो र बस ठक्करखादा कम्तीमा ६ जनाको मृत्यु भएको छ । आज बिहान करिव सवा १० बजे हेटौंडाबाट नारायणगढतर्फ आउदै गरेको बागमती प्रदेश ०३-००१ज २९९ नम्बरको इभि माइक्रो र धनगढीबाट काँकडभिट्टा तर्फ आउदै गरेको प्रदेश१-०१-००१ख ३५८३ नब्बरको बस ठक्कर खाएको हो । दुर्घटना परि माइक्रोमा सवार कम्तीमा ६ जनाको मृत्यु भएको प्रहरीले जनाएको छ । दुर्घटनामा केहि घाइते भएका छन् ।

घाइतेहरुको अवस्था गम्भीर रहेकोले मृतकको संख्या बढ्न सक्ने प्रहरीले जनाएको छ । घाइतेहरुलाई उपचारको लागि भरतपुरको विभिन्न अस्पतालमा लगिएको छ । दुर्घटनापश्चात् स्थानीयले सडक अवरुद्ध गरेका छन् । सडक बिग्रेको कारण दुर्घटना धेरै भएको भन्दै उनीहरुले चक्काजाम गर्दै विरोध प्रदर्शन गरेका छन् ।