८ सय तोलामा सुनको मूल्य वृद्धि
प्रकाशित मिति: सोमबार, भाद्र ०२, २०८२ | १३:००:१२
चितवन, ०२ भाद्र । सुनको भाउ तोलामा ८ सय रुपैयाँले बढेको छ । नेपाल सुनचाँदी व्यवसायी महासंघका अनुसार सोमबार सुन प्रतितोला १ लाख ९६ हजार ३ सय रुपैयाँ कायम भएको छ ।
अघिल्लो दिन सुनको कारोबार प्रतितोला १ लाख ९५ हजार ५ सय रुपैयाँमा भएको थियो । यसअघि साउन २३ गते सुन प्रतितोला १ लाख ९९ हजार ४ सय रुपैयाँसम्म पुगेर अहिलेसम्मकै उच्च स्तरमा पुगेको रेकर्ड छ ।
त्यस्तै, चाँदीको मूल्य पनि प्रतितोला ५ रुपैयाँले बढेर २३१५ रुपैयाँमा पुगेको छ । अघिल्लो दिन यसको मूल्य २३१० रुपैयाँ थियो । चाँदी अहिलेसम्म प्रतितोला २३५० रुपैयाँसम्म पुगेको रेकर्ड छ ।
प्रकाशित मिति : सोमबार, भाद्र ०२, २०८२ |
१३:००:१२
2421
