सुनचाँदीको मूल्य फेरि बढ्यो, सुन तोलामा रु ६,७०० वृद्धि
प्रकाशित मिति: मंगलबार, चैत्र १७, २०८२ | १३:११:२९
चितवन, १७ चैत्र । स्थानीय बजारमा आज पनि सुनचाँदीको मूल्य वृद्धि भएको छ। सुनको मूल्य तोलामा रु ६ हजार ७०० र चाँदीको मूल्य रु १४५ ले बढेको हो।
Federation of Nepal Gold and Silver Dealers’ Association का अनुसार आज छापावाल सुनको मूल्य प्रतितोला रु २ लाख ९० हजार २०० कायम भएको छ भने चाँदी प्रतितोला रु ४ हजार ८४५ पुगेको छ।
हिजो सोमबार छापावाल सुन प्रतितोला रु २ लाख ८३ हजार ५०० र चाँदी प्रतितोला रु ४ हजार ७०० मा कारोबार भएको थियो। त्यसैगरी आइतबार सुन प्रतितोला रु २ लाख ८६ हजार र चाँदी प्रतितोला रु ४ हजार ७२० कायम भएको थियो।
अन्तरराष्ट्रिय सञ्चारमाध्यमहरूका अनुसार अन्तरराष्ट्रिय बजारमा आज एक औँस सुन ४ हजार ५६० अमेरिकी डलर र चाँदी ८० अमेरिकी डलरमा कारोबार भइरहेको छ।
प्रकाशित मिति : मंगलबार, चैत्र १७, २०८२ |
१३:११:२९
573
